Արդեն տեղեկացրել ենք, որ Ծիծեռնակաբերդի հուշակոթողի համահեղինակ՝ ճարտարապետ Ս. Քալաշյանը, հուշակոթողի համահեղինակի իրավաժառանգ՝ ճարտարապետ Ա. Թարխանյանն ու հուշահամալիրի թանգարանի համահեղինակ՝ ճարտարապետ Լ. Մկրտչյանը հանդես են եկել հայտարարությամբ` իրենց մտահոգությունն արտահայտելով, մեջբերում ենք` «Ծիծեռնակաբերդի հուշահամալիրի տիրույթում օրերս ապօրինաբար ու անհայտ հեղինակմամբ հայտնված, մեծաչափ ու անհեթեթ մի՝ իբր ժամանակավոր «Տաղավարով», որն անհանդուրժելիորեն խաթարել ու գռեհկորեն նսեմացրել է Հուշահամալիրի գեղագիտական կեսդարյա անաղարտ կերպարը, աղճատել նրա ամբողջական դիտաընկալման տեսահորիզոնը»:
Asekose.am-ին հայտնի է դարձել, որ վիճահարույց տաղավարը տեղադրվել է ժամանակավոր և այդտեղից տարբեր հեռուստաընկերություններ, ուղիղ հեռարձակման միջոցով, իրականացնելու են հարցազրույցներ:
Ապրիլի 24-ից հետո տաղավարը ապամոնտաժվելու է:
