Երևանի քաղաքապետարանի մոտ բողոքի ակցիայի ժամանակ մի քաղաքացի հացադուլ հայատրարեց նշելով, որ Տարոն Մարգարյանը հայ ժողովրդի լավագույն զավակն է և ինքը դեմ է նրա հրաժարական տալուն: Վերջինս հավելեց, որ պետք է պահանջել Զարուհի Փոստանջյանի հրաժարականը, իսկ Տարոն Մարգարյանը ահռելի մեծ բան է արել Երևան քաղաքի համար:
«Տարոն Մարգարյանը մեր քաղաքի համար կատարել է մեծ գործեր, ի՞նչ անենք, որ հանրապետական է: Նա ընտիր անձնավորություն է: Ես նստացույց եմ անելու, հացադուլ: Հայ ժողովրդի մայրերը գոհ են նրա կատարած գործերից: Ո՞վ էր խաղահրապարակ կառուցում, այգիները բարեկարգում:»,- ասաց քաղաքացի Արայիկ Սաղաթելյանը:
Այն հարցին, թե արդյոք Արայիկը քաղաքապետարանի աշխատակից է, վերջինս պատասխանեց, որ ինքն «անորոշ մարդ» է:
Ակցիայի մասնակիցները ի հակառակ Արայիկ Սաղաթելյանի նշեցին, որ այո, Տարոն Մարգարյանն ահագին փող է մսխել՝ ասֆալտ փռելով, թողել է, որ «Փակ շուկա»-ն քանդեն և այլն:
Լուսանկարը`ֆոտոլուրի
