Մշակույթի մի շարք գործիչներ բաց նամակ են ուղղել «Բարգավաճ Հայաստան» կուսակցության ղեկավար Գագիկ Ծառուկյանին: Ներկայացնում ենք նամակը` առանց խմբագրման.
«Բաց նամակ պարոն Գագիկ Ծառուկյանին
Հարգարժան պրն. Ծառուկյան, Ձեզ ենք դիմում ոչ միայն որպես քաղաքական գործչի և բարերարի , այլև որպես Երևանի «Կենտրոն» հեռուստաընկերության սեփականատիրոջ , վստահ լինելով , որ հանրային քննարկումների առարկա դարձած հայկական հեռուստաեթերին վերաբերող հարցերը անպայմանորեն հուզում են նաև Ձեզ:
Օրերս, մշակույթի գործիչների հետ ՀՀ վարչապետի հանդիպման ժամանակ անդրադարձ կատարվեց նաև հայկական հեռուստաեթերին: Իրավացիորեն նշվեցին հեռուստահաղորդումների անուններ, որոնք տեղ չպետք է ունենան հեռուստաեթերում:
Մենք՝ ներքոստորոգյալներս, այսօր ճիշտ ենք գտնում հիշատակել մի հաղորդաշարի անուն - «Դիպված», որը շուրջ 15 տարի հեռարձակվում էր «Կենտրոն»-ի եթերում և մայր հայրենիքում և սփյուռքում մեծ սեր վայելող սակավաթիվ հաղորդումների ցուցակում, անտարակույս, առաջատարներից մեկն էր:
Ցավոք, տևական ժամանակ է , ինչ հաղորդաշարը եթերում չէ: Ի պատասխան հեռուստաընկերության տնօրինությանը և հաղորդաշարի հեղինակին ուղղված բազմաթիվ հարցումներին , միշտ հնչել է - «շուտով… :
Այս անորոշությունը տեղիք է տալիս մտածելու , որ, գուցե, հաղորդաշարի ստեղծագործական խումբը բախվել է որոշակի խոչընդոտների , որոնց մասին խուսափում է խոսել նաև հեղինակը:
Վստահ ենք , որ Դուք կանեք հնարավոր ամեն բան մեր կասկածները փարատելու և «Դիպված»-ը եթերում վերականգնելու համար:
«Դիպված»-ը կարող է իր առանձնակի կարևոր գործառույթն իրականացնել նաև ՆՈՐ Հայաստանում:
Սասուն Պասկևիչյան - ՀՀ ժողովրդական արտիստ
Սեդա Գասպարյան - ՀՀ Ազգային ակադեմիայի թղթակից անդամ
Երվանդ Ղազանչյան - ՀՀ ժողովրդական արտիստ
Կորյուն Առաքելյան – ՀՀ մշակույթի վաստակավոր գործիչ, բանաստեղծ
Մարտին Ահարոնյան – ՀՀ մշակույթի վաստակավոր գործիչ, նկարիչ, երգահան
Արտավազդ Բայաթյան - Երգիչ-երգահան
Էվելինա Շահիրյան - ՀՀ վաստակավոր արտիստ
Աննա Մայիլյան – ՀՀ վաստակավոր արտիստ
Լևոն Թոքմաջյան – ՀՀ ժողովրդական նկարիչ, քանդակագործ
Գրիգոր Կուզիկյան - «Գոհար» խմբի գեղարվեստական ղեկավար
Սուսաննա Կիրակոսյան - ՀՀ վաստակավոր մանկավարժ»:
Կարդացեք նաև` Հիմա սա երա՞զ է, թե՞ իրականություն...Մշակույթի գործիչները հանդիպեցին Նիկոլ Փաշինյանի հետ
