Արդեն տեղեկացրել ենք այն մասին, որ Արագածոտնի մարզի՝ Ագարակավան գյուղի 27-ամյա բնակչուհին ինքնասպանություն է գործել տանը հարակից անասնագոմում առաստաղի փայտերից հակի թելով կախվելու միջոցով:
Դեպքի առիթով Armlur.am-ը որոշ մանրամասներ է ներկայացրել, ըստ որոնց՝ նախօրեին ինքնասպանթյուն գործած կնոջ տանը նշել են ամուսնու մոր տարեդարձը: Ամուսինը տարեդարձի առթիվ երաժշտական կենտրոն է բերել բարեկամներից մեկի տանից: Ամուսինը հաջորդ օրը որոշել է երաժշտական կենտրոնը հանձնել տիրոջը, որպեսզի երեխաների ձեռքը չընկնի: Ճանապարհին Ա.Վ.-ն զանգահարում է ամուսնուն և ասում.
«Ես քեզ սիրում եմ, բայց մինչև գաս, էլ ինձ չես տեսնի»:
Կնոջ զանգից անհանգիստ ամուսինը շտապել է տուն: Հարցրել է մորից, թե որտեղ է կինը, մայրն ասել է, որ գնացել է պետքարան: Երկար փնտրելուց հետո կնոջ հայտնաբերել է տանը հարակից անասնագոմում առաստաղից կախված: Գետնին ընկած է եղել բջջային հեռախոսը:
Նյութը՝ սկզբնաղբյուր կայքում
