Հակակոռուպցիոն դատարանում հոկտեմբերի 30-ին ՀՀ նախկին վարչապետ Հովիկ Աբրահամյանի գործով հերթական դատական նիստն էր նշանակված։ Մինչ նիստը կմեկնարկեր, դատարանի բակում լրագրողները փորձում էին Աբրահամյանից որոշ հարցերի պատասխաններ ստանալ։

Ֆակտոր.am-ը գրում է, որ կայքի ուշադրությունը գրավել է նախկին վարչապետի հագի բաճկոնը, որը, ինչպես պարզել են իրենք, կարված է կոկորդիլոսի և եղջերուի կաշվից։ 

«Համադրելով բոլոր դետալները՝ կարողացել ենք այն նույնականացնել և, ըստ ամենայնի, Հովիկ Աբրահամյանի հագին իտալական թանկարժեք Stefano Ricci բրենդի բաճկոն է, որը բաց աղբյուրներում հրապարակված տվյալների համաձայն արժե 2,659,600 ռուբլի: Դա համարժեք է շուրջ 12,7 միլիոն դրամի կամ  33 հազար դոլարի։

Ինչպես նշվում է բրենդի պաշտոնական կայքում, Stefano Ricci-ի բոլոր ապրանքները  բացառապես բարձրակարգ նյութերից են՝ «100% պատրաստված է Իտալիայում» սկզբունքով։ Ապրանքների մեծ մասն արտադրվում է Ֆլորենցիայի նահանգի Ֆյեզոլե քաղաքի բլուրների վրա գտնվող գործարանում, որի տարածքը գերազանցում է 9000 քառակուսի մետրը»,-գրում է սկզբնաղբյուրը։

Մանրամասները՝ սկզբնաղբյուր կայքում և տեսանյութում։