Արդեն տեղեկացրել ենք, որ ապրիլյան պատերազմի մասնակից բազմաթիվ զինվորներ զորացրվում են` զինգրքույկներում ռազմական գործողություններին իրենց մասնակցության մասին գրառումները կա՛մ ջնջված, կա՛մ փոփոխված՝ անվավեր նշումներով, մի շարք դեպքերում անգամ համապատասխան գրառումներ չեն լինում: Այս հարցի վերաբերյալ Asekose.am-ը փորձեց պարզաբանում ստանալ ՀՀ ՊՆ մամուլի խոսնակ Արծրուն Հովհաննիսյանից: Վերջինս մեզ հետ զրույցի ընթացքում նշեց.
«Այս հարցով պարզաբանում պետք է ներկայացնի Ղարաբաղի Պաշտպանության բանակը: Կարծում եմ`այսօր կլինի հայտարարությունը»:
Asekose.am-ի հետ զրույցի ընթացքում Արցախի պաշտպանության բանակի մամուլի խոսնակ Սենոր Հասրաթյանը նշեց, որ այս հարցով զբաղվում է պաշտպանական գերատեսչությունը.
«Հարցը գտնվում է պաշտպանական գերատեսչության ուսումնասիրության տակ: Այս պահին այս հարցի վերաբերյալ միայն սա կարող եմ ասել»:
Հիշեցնենք, որ, որ հարցին արդեն անդրադարձել է պաշտպանության նախարար Վիգեն Սարգսյանը: Հայաստանի պաշտպանական գերատեսչության ղեկավարը վերջերս կայացած ասուլիսում ընդամենը ասել էր, որ հարցը կուսումնասիրեն:
