Վերաքննիչ քրեական դատարանում Միքայել Սրբազանի գործով դատական նիստի ժամանակ դատավորը Սրբազանին դիմեց «պարո՛ն Աջապահյան»։ «Հաշվի առնելով, որ արքեպիսկոպոսի հետ է առնչվում, խնդրանքս է՝ այդ հանգամանքը հաշվի առնելով դիմեք Սրբազանին»,- ասաց պաշտպան Արա Զոհրաբյանը։

«Դատարանին քաջ հայտնի է պարոն Աջապահյանի կարգավիճակը, բայց հաշվի առնելով, որ քրեական դատավարություն է իրականացվում, պետք է մնանք քրեական դատավարության տիրույթում»,- պատասխանեց դատավորը։

«Քրեական դատավարության օրենսգրքով նախատեսված է, որ պետք է դիմեք «պարոն» բառո՞վ»,- հակադարձեց փաստաբանը։ «Նախատեսված է մեղադրյալ տերմինը, ես այս պարագայում դիմում եմ՝ հաշվի առնելով անձի սեռը և ազգանունը»,- ասաց դատավորը։

Դիտեք նաև՝

Աստված օգնական սրբազան հայր. դատարանում Միքայել սրբազանի աջակիցները ծափահարություններով դիմավորեցին նրան

Վերաքննիչ քրեական դատարանում մեկնարկել է Միքայել արքեպիսկոպոս Աջապահյանի գործով դատական նիստը։