Արդեն տեղեկացրել ենք, որ Բելգորոդում 24-ամյա Մանե Մարտիրոսյանը բժշկի մեղքով մահացել է քթի վիրահատությունից:
Ինչպես տեղեկացնում է Life.ru կայքը, այն օրը, երբ Մանեն մահացել է, բժիշկն աղջկա հարազատներին վերադարձրել է վիրահատության գումարը, աղջկա հողաթափերն ու շամպայնը, որը աղջիկը նրան էր նվիրել Ամանորի կապակցությամբ: Մանեի հայրը` Աշոտ Մարտիրոսյանը, պատմել է ,որ վիրահատության գումարը աղջիկը բավական երկար ժամանակ է հավաքել. 70.000 ռուբլին 24-ամյա Մանեի համար բավականաչափ մեծ գումար էր, որի մի մասը նա պարտք էր վերցրել իր հարազատներից:
Երբ աղջկան վերջապես հաջողվել է հավաքել անհրաժեշտ գումարը, Մանեն լուսանկարել է այն:
Քննիչների խոսքով` բժիշկն իրավունք չի ունեցել քթի նման պլաստիկ վիրահատություններ անելու, այլ իրավունք է ունեցել միայն վիրահատական միջամտությունների, որոնք կապված են քթի միջնապատի ուղղման հետ:
Հիշեցնենք, որ այս պահին ընթանում է տվյալ գործի քննությունը, և համապատասխան մարմինները փորձում են պարզել, թե վիրահատություն կատարող բժշկի մեղքը որն է:
