Հուլիսի 4-ին մեկնարկած «Արմենիա» միջազգային առաջին մրցույթ-փառատոնը մոտենում է ավարտին: Այն հուլիսի 12-ին Արամ Խաչատրյան համերգասրահում կամփոփի աշխարհահռչակ ջութակահար, դիրիժոր Մաքսիմ Վենգերովը: Հանդես կգա նաև Հայաստանի պետական երիտասարդական նվագախումբը: Ծրագրում կհնչեն Կլոդ Դեբյուսիի, Յոհաննես Բրամսի, Ալեքսեյ Շորի ստեղծագործություններից:
«Մեծ պատիվ է այս հրաշալի, արևային ու մշակույթով հարուստ երկրում գտնվելը»,-լրագրողերի հետ հանդիպման ժամանակ ասաց Վենգերովը:
Լրագրողները նրան հիշեցրին իր խոստման մասին՝ սովորել Արամ Խաչատրյանի Ջութակի կոնցերտը:
«Տարիներ առաջ կատարեցի այն, բայց դեռ չեմ սովորել»,-պատասխանեց ջութակահարն ու հավելեց.
«Երիտասարդ եմ, կհասցնեմ, ամեն ինչ առջևում է»:
Մաքսիմ Վենգերովը իսրայելցի ջութակահար է։ Ստացել է բազմաթիվ հեղինակավոր մրցանակներ, այդ թվում՝ 2 «Գրեմմի»։
2007-2011 թթ. ուսումնասիրել է դիրիժորություն։ Այս ասպարեզում իր առաջին դասերը վերցրել է պրոֆեսոր Վահագն Պապյանից։
