-Ես այս դիկտատուրային անվանում եմ ժպտացող ու ոչինչ չասող դիկտատուրա: Նույնն ավելի կոպիտ ձևով կատարվում է Ադրբեջանում: Մի 4 միլիոն էլ այնտեղից է փախչում: Երևի նույնը բոլոր ԱՊՀ երկրներում է, բայց մենք այս տարածքի մասին ենք խոսում: Պետություն չեմ համարձակվի ասել, քանի որ բոլոր օրենքները խախտված են: Եթե պատերազմի ժամանակ պատահականորեն զոհվում են գաղափարական հերոսները՝ Լեոնիդ Ազգալդյանը, Մոնթեն, Թաթուլ  Կրպեյանն ու մյուսները ու երբ դրանք միացնում ես՝ դառնում են զուգադիպություն, և տեսնում ես, որ չունենք ազգային անվտանգություն կամ այն ծառայում է օտար պետությանը: Ինչո՞ւ հենց նրանք մահացան ու արդյո՞ք ադրբեջանցիներն են նրանց սպանել: Հասկանում ես, որ այս պատերազմը նստել ու սիրուն նակրել են,-լրագրողների հետ հանդիպման ժամանակ ասել է երգահան Ռուբեն Հախվերդյանը: