«Երեք շաբաթ է՝ քուն ու դադար չունեի, անընդհատ հետևում էի Հայաստանում կատարվող իրադարձություններին, բայց երեկ վարչապետի ընտրությունը ստիպեց ինձ ամեն ինչ մի կողմ դնել ու վերադառնալ: Եկել եմ 16-ամյա աղջկաս հետ, ով ուզում էր անպայման տեսնել այս ամենը»,-լրագրողների հետ հանդիպման ժամանակ ասաց օպերային երգչուհի Հասմիկ Պապյանը:
Նրա խոսքով ՀՀ-ում կատարվողն ուղղակի աննախադեպ է.
«Պետք է աչքով տեսնել, ականջով լսել ու հոգով զգալ: Այս անիվն այլևս պտտել հնարավոր չէ: Երիտասարդները հասկացել են, թե իրենց ինչ է պետք: Իսկ երեկվա ԱԺ նիստը իմ կյանքում տեսած ամենաանտաղանդ ու սոսկալի թատերական ներկայացումն էր: Տրագիկոմեդիա էր: Ցավալի էր տեսնել, որ 21-րդ դարում հայ պարոնայք ու տիկնայք դեռ միջնադարում են ապրում»:
Երգչուհին ցավով է նշում՝ չկա մեկ ոլորտ, որտեղ վիճակը նորմալ լինի: Ասում է՝ պետք է սկսել արդարադատությունից:
Անի Կարապետյան
