Հունիսի 28-ից հուլիսի 1-ը կանցկացվի  Երևանյան միջազգային կիթառի 2-րդ փառատոնը, որին կմասնակցեն ճանաչված երաժիշտներ տարբեր երկրներից: Այն հնարավորություն կտա կիթառի սիրահարներին յուրօրինակ երաժշտություն ունկնդրել, մասնակցել վարպետության դասերի:

Բացման համերգին ելույթ կունենա ճանաչված և ամենաազդեցիկ կիթառահարներից մեկը՝  Հյուբերթ Քեփփելը: Իսկ հունիսի 29-ին ելույթով հանդես կգա Դմիտրի Մուրինը:

Փառատոնի մասնակիցները հանդես կգան նաև վարպետության դասերով, որոնք բաց կլինեն բոլոր երաժշտասերների համար: Հունիսի 29-ին Հայկական բարեգործական ընդհանուր միության (ՀԲԸՄ) դահլիճում իր հարուստ փորձով կկիսվի Հյուբերթ Քեփփելը, իսկ Դմիտրի Մուրինը հունիսի 30-ին վարպետության դասընթաց կանցկացնի «Այբ» դպրոցում: LOFT ինքնազարգացման կենտրոնում նախատեսված է կազմակերպել Դավիթ Դյակովի վարպետության դասը:

Անի Կարապետյան