2012 թվականի սեպտեմբերին Երևանի Կրկեսը հավասարեցվեց հողին, իսկ փոխարենը խոստացան նոր ու ավելի ժամանակակից կրկեսի շենք կառուցել: Խոստացան, Կրկեսը դեռ չկա, բայց կարևորը, խոստումն ուժի մեջ է: Վերջերս «Երեւանյան կրկես» մշակութային կենտրոնի գեղարվեստական ղեկավար Սոս Պետրոսյանն ասաց, որ ամենայն հավանականությամբ պետք է մինչև հաջորդ տարվա վերջ պատրաստ լինի:
Նրա խոսքով՝ Կրկեսն ունենալու է բոլոր հարմարությունները:
Իսկ, մինչ կկառուցվի այսպես կոչված ժամանակակից ու բոլոր հարմարություններն ունեցող Կրկեսը, ստեղծագործական կոլեկտիվը շարունակում է աշխատել ոչ այդքան հարմար ու ոչ այդքան բարվոք սենյակներում:
Կրկեսի աշխատակիցներն հիմնականում մեկնում են արտասահման՝ հյուրախաղերի, իսկ առաջիկայում պատրաստվում են հյուրեր ընդունել՝ Լեոնիդ Ենգիբարյանի 80-ամյակին նախատեսված միջոցառումների և «Երևանյան ամառ»-ի շրջանակներում: Հայաստան կգա Սանկտ-Պետերբուրգի շրջիկ կրկեսը:
Սոս Պետրոսյանի խոսքով՝ Կրկեսի պրոդյուսերի տեղակալ Անդրեյ Միտաչկովը իր հետ հավաքել ու բերել է բազում կենդանիների ու արտիստների.
Անդրեյ Միտաչկովը մեզ հետ զրույցում ասաց, որ Հայաստանում առաջին անգամ է, բայց այս հիանալի երկրի մասին գիտի դեռևս դպրոցական դասագրքերից:
«Կարդացել ու լսել եմ հայկական հզոր մշակույթի, բարի մարդկանց մասին, իսկ հիմա եկա տեսա: Փաստորեն, ամեն ինչ ճիշտ էր գրված ու ճիշտ էին ասում: Այստեղ այնքան լավ է, որ չեմ ուզում վերադառնալ»,-ասում է Սանկտ-Պետերբուրգի շրջիկ կրկեսի տնօրենը:
Անի Կարապետյան
