Սամվել Կարապետյանի կուսակցությունը հայտնում է վարչապետի թեկնածուի անունը. Ուղիղ
Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
***
«Ուժեղ Հայաստան» կուսակցության վարչապետի թեկնածուն Սամվել Կարապեյանն է
Այս մասին հայտարարվեց կուսակցության պաշտոնական շնորհանդեսի ժամանակ։
***
Իրավաբանները բացատրեցին, թե ինչպես Սամվել Կարապետյանը կարող է լինել ՀՀ վարչապետի թեկնածու (Սամվել Կարապետյանը երկքաղաքացի է)
«Սահմանադրության 148–րդ հոդվածը կարգավորում է կառավարության անդամին ներկայացվող պահանջները։ Այս հոդվածն անփոփոխելի հոդված չէ, դրա համար հանրաքվե չի պահանջվում, ուղղակի ԱԺ կողմից փոփոխությունների տեքստի ընդունում»,– ասաց Սիրանուշ Սահակյանը։
Փոփոխությունների այս նախագիծը դրվում է ԱԺ քվեարկության, և այն պետք է հավաքի պատգամավորների ընդհանուր թվի 2/3–ի ձայները։
Նարեկ Կարապետյանը հայտարարեց, որ ընտրություններից 20 օր անց` ԱԺ առաջին նիստին, հանդես կգան համապատասխան օրենսդրական փոփոխությամբ։
***
Մարզահամերգային համալիրում մեկնարկել է «Ուժեղ Հայաստան» նորաստեղծ կուսակցության շնորհանդեսը
Այսօր նաև հայտնի կդառնա այս ուժի ՀՀ վարչապետի թեկնածուի անունը։ Շնորհանդեսի ժամանակ հայտարարվեց, որ կուսակցության ստեղծմամբ «Մեր ձևով» շարժումը» չի դադարում գոյություն ունենալ, որովհետև բազմաթիվ հասարակական ծրագեր կան իրականացնելու։
