10–ամսական Դարիա Գրոմովայի և նրա 26–ամյա ծնողների մարմինները հարազատերի փոխանցել էին դեկտեմբերի սկզբին։ Հիշեցնենք, որ դեռևս հոկտեմբերի 31–ին, Եգիպտոսից Սանկտ–Պետերբուրգ թռչող A-321 ինքնաթիռը ահաբեկչության հետևանքով օդում մասերի էր բաժանվել և ընկել Սինայի թերակղզու վրա։ Բոլոր 224 ուղևորները մահացել էին։ Ահաբեկչության պատասխանատվությունը իր վրա էր վերցրել «Իսլամական պետություն» ահաբեկչական կազմակերպությունը։
Դարյան ինքնաթիռում եղած 29 երեխաներից ամենափոքրիկն էր...
Ընտանիքին հուղարկավորել են միասին, Սանկտ–Պետերբուրգում։ Այսօր նրանց գերեզմանները ծածկված են ծաղիկներով ու խաղալիքներով։ Հուղարկավորությունն անցել է լուռ, միայն հարազատների ներկայությամբ։
Հենց այս փոքրիկի լուսանկարն էր, որ ահաբեկչությունից հետո տարածվեց ողջ համացանցով և մեկ ցավի շուրջ համախմբեց սրտացավ մարդկանց։ Լուսանկարն արել էր մայրը` Տատյանան, դեռևս Սանկտ–Պետերբուրգի օդանավակայանում և մակագրել. «Գլխավոր ուղևորը»։
Աղբյուրը՝ Blognews.am
