Իսլամական պետության զինյալները երեկ պայթեցրին Կարա Կուզակ կամուրջը, որը գտնվում էր Եփրատ գետի ափին, երբեմնի Օսմանյան կայսրության հիմնադիր Օսմանի պապ Սուլեյման շահի դամբարանի հարևանությամբ (Թուրքիայի տարածք համարվող այդ դամբարանն արդեն պայթեցվել է, իսկ դամբարանը հսկող թուրք զինվորներն ու Սուլեյմանի մասունքները տարհանվել էին մի քանի օր առաջ թուրքական զինուժի հատուկ գործողությունների հետևանքով):

Սիրիայի այդ հատվածում ԻՊ-ի վրա շարժվող քրդական ստորաբաժանումների և այլ սիրիական ընդդիմադիր ուժերին կասեցնելու համար իսլամականները պայթեցրին Եփրատ գետի վրա գտնվող մի քանի կամուրջ, այդ թվում Կարա Կուզակը: Զինյալների ցանկությունն, ըստ տեսանյութի, արդեն դեպի ԻՊ-ի վերահսկողության տակ գտնվող Դեր ալ-Զորի ուղղությամբ շարժվելն է....

Սարգիս Գրիգորյան