Դերասան Սերգեյ Դանիելյանը կարծում է, որ ՀԷՑ-ում աուդիտի անցկացումը արդյունք չի տա.
«Իսկ այն, որ պայքարի այլ փուլ պետք է սկսվի, դա ակնհայտ է»,-այսօր՝ լրագրողների հետ հանդիպման ժամանակ ասաց նա՝ հավելելով, որ լույսերը պետք է անջատեն, գործադուլ անեն:
Դերասանը դեմ է նաև հացադուլին:
Իսկ երիտասարդների այս պայքարը, դերասանի խոսքով, ցույց տվեց, որ ի տարբերություն լպստած փողկապերով կուսակցական երիտասարդների՝ նորմալ մարդիկ կան:
«Փառք Աստծո, մնացած ճիճուները չերևացին.ուսանողական խորհուրդ և այլն»,-նկատեց Սերգեյ Դանիելյանը:
«Կարին» ավանդական երգի, պարի համույթի գեղարվեստական ղեկավար Գագիկ Գինոսյանի խոսքով էլ՝ երիտասարդությունը ցույց տվեց, որ հանցավոր հանգստի տրված չէ:
«Շատերը հասկացան, որ երիտասարդության մեջ կա մի շերտ, որին հնարավոր չէ գրպանել, կա մի երիտասարդություն, որը Բաղրամյանից չհեռացավ, ջրվեց, ծեծվեց: կարևոր է, որ մերօրյա երիտասարդությունն այդ հոգեբանությունը չկորցնի»,-եզրափակեց Գագիկ Գինոսյանը:
Անի Կարապետյան
