«Իրավունք»-ին հասած տեղեկությունների համաձայն` ՀՀ ներքին գործերի նախարար Արփինե Սարգսյանը շուտով կգնա ֆիզարձակուրդ, քանի որ երեխայի է սպասում: Դրանով է նաեւ պայմանավորված ՆԳՆ-ում վերջին օրերի փոփոխությունը: Ոստիկանության պետ ՆԳ նախարարի տեղակալ նշանակված Լոռու նախկին մարզպետ Արամ Ղազարյանը կարճ ժամանակ անց կփոխարինի Արփինե Սարգսյանին:
Ըստ իշխանական կուլիսներում շրջանառվող խոսակցությունների` ահա թե ինչու հապշտապ համակարգից հեռացվեց ՀՀ ներքին գործերի նախարարության ոստիկանության պետ, ՀՀ ՆԳ նախարարի տեղակալ, ոստիկանության գեներալ-մայոր Արամ Հովհաննիսյանը, որը կարող էր հավակնել Ա.Սարգսյանի աթոռին:
Մինչդեռ նա համարվում է ոստիկանական նախկին ավանդույթների կրողը, հետեւապես անընդունելի էր ե՛ւ նիկոլականների, ե՛ւ ոստիկանությանը դրամաշնորհներ ներարկող դեսպանատների համար»։
