Հայաստան այցի ժամանակ Քարդաշյանների ընտանիքի անվտանգությունը պահպանած «Պանտեռա Սեքյուրիթի» ընկերության աշխատակից Վարազդատ Խոցանյանի վիճակը բժիշկները գնահատում են կայուն` լավացումով: Այս մասին Asekose.am-ի հետ զրույցում ասաց «Պանտեռա Սեքյուրիթի» ընկերության տնօրեն Վահե Դարբինյանը:
«Կոնկրետ մարդիկ են եղել, ովքեր ասել են, թե միջադեպը ինչպես է եղել: Առանձնապես մութ կողմեր չկան: Միակ մութ բանն իմ համար այն է, որ ծեծկռտուքի մասնակիցներից մեկին` գլխավոր մեղավորին, ով խոսվում է, որ միլպետի տղան է, տարել են ոստիկանական բաժին ու բաց են թողել: Կան ցուցմունքներ, ըստ որոնց` նա առաջին խփողներից է եղել, «սամասուդ» անողը»,- ասաց Վահե Դարբինյանը:
Վահե Դարբինյանի խոսքով` Վարազդատի առողջական վիճակը դեռևս թույլ չի տալիս խոսել միջադեպի մասին: Նա շարունակում է մնալ վերակենդանացման բաժանմունքում:
Հիշեցնենք, որ միջադեպի գործով ոստիկանություն էր ներկայացել «Զվարթնոց» օդանավակայանի բաժնի նախկին պետ, ոստիկանության գնդապետ Վանիկ Թանգամյանի որդին՝ Հարություն Թանգամյանը, ով ինքնախոստովանական ցուցմունք է տվել:
Հեղինակ` Ատոմ Գրիգորյան
