Վերջերս սկսել եմ ուսումնասիրել Հին Հռոմի պատմությունը, հատկապես այդ հզոր կայսրության անկման ժամանակաշրջանը: Շատ հետաքրքիր է, բայց Հռոմի կործանման հարցում, որքան էլ տարօրինակ է, կարևորագույն դերը խաղացել են էմիգրանտները, որոնց սկսել են բերել Հռոմ որպես սևագործներ, հետո որպես վարձկաններ ու կամաց-կամաց դարձել են որոշիչ ուժ ու արդեն վաղ միջնադարում կարողացան Արևմտյան Հռոմեական կայսրության գահին տիրել:
Երբ ծանոթանում ես այս իրադարձություններին, ակամայից զուգահեռներ են անցկացնում ժամանակակից Եվրոպայի հետ, որտեղ, հատկապես Ֆրանսիայում, Գերմանիայում, Իսպանիայում և Մեծ Բրիտանիայում կամաց-կամաց ավելի բազմաքանակ ու ավելի հզոր են դառնում միգրանտները, ովքեր սակայն ի տարբերություն Հռոմի՝ մեծամասամբ եվրոպոյիդ ռասայի ներկայացուցիչներ չեն: Միթե Եվրոպան մեռնում է:
