Բազմաթիվ հոլովակներում միմյանց արտադրանքները ծաղրելուց հետո Apple և Microsoft ընկերությունները հաշտվել են, համենայն դեպս՝ սուրբծննդյան սեզոնի ընթացքում, գրում է mashable.com-ը՝ ներկայացնելով ուշագրավ հոլովակ։ Հոլովակում Նյու Յորքում Microsoft-ի խանութի աշխատակիցները բացում են դռները և գնում մոտակայքում գտնվող Apple-ի խանութ՝ իրենց հետ հատուկ «ուղերձ» տանելով։ Ընկերության աշխատակիցները սկսում են մոմեր պահած սուրբծննդյան երգեր երգել, մինչ Apple-ի աշխատակիցները դուրս են գալիս խանութից և ողջունում նրանց, այնուհետև գրկախառնվում: