Մեծ Բրիտանիան կարող է ահաբեկիչների հաջորդ թիրախը դառնալ: Այս մասին գրում է РИА Новости-ն` հղում անելով CNN հեռուստաալիքին։ Հեռուստաալիքի տվյալներով, որը հղում է անում հետախուզությունում աղբյուրներին, այժմ ահաբեկիչների շարքում կան Մեծ Բրիտանիայի մոտ 700 բնակիչներ, որոնք կարող են վերադառնալ երկիր և այնպիսի ահաբեկչություններ իրականացնել, ինչպես դա արվեց Փարիզում նոյեմբերի 13-ին:
Համաձայն հարցումների` երկրի բնակչության 43%-ն իրեն ավելի քիչ պաշտպանված է զգում Սիրիայում ռազմական գործողություններ սկսելուց հետո և միայն 20%-ն է իրեն ավելի պաշտպանված զգում: Խոսելով Ֆրանսիայի մայրաքաղաքում տեղի ունեցած ահաբեկչություններից` CNN-ը հայտնել է, որ իրավապահ մարմինները չեն կարողանում գտնել ահաբեկիչության մեղավորներին:
Հիշեցննեք, որ նախօրեին Մեծ Բրիտանիան միացել է Սիրիայում «Իսլամական պետության» դեմ օդային հարվածներին:
