Մարս մոլորակը հետազոտող գիտնականները պարզել են, որ տարվա տաք եղանակին մոլորակի մակերեսին հայտնվում են մուգ բծեր, որոնք անհետանում են ձմռանը: Ինչպես ենթադրում են գիտնականները` դրանք աղի բարձր պարունակությամբ ջրի հետքեր են:
Ըստ ՆԱՍԱ-ի գիտնականների` Մարսում կա կյանքի առկայության հավանականություն, քանի որ ջուրը բարձրացնում է միկրոբների նման պրիմիտիվ օրգանիզմների գոյության հավանականությունը:
Նշենք, որ աղի ջուրը հայտնաբերվել է Մարս մոլորակի Գառնի խառնարանում, որը կրում է հայկական Գառնի գյուղի անունը: Խառնարանն անվանակոչվել է 2015 թվականի ապրիլի 24-ին:
