Արդեն տեղեկացրել ենք, որ Հայաստանի առաջին նախագահ  Լևոն Տեր-Պետրոսյանի որդին` Դավիթը, թողել է իր  կնոջը և երեք երեխաներին` Հանրային հեռուստաընկերության հաղորդավարուհի Աննա Ավանեսյանի հետ ունեցած սիրավեպի պատճառով:

Ըստ մամուլի հրապարակումների, Դավիթն ու Աննան անցած դեկտեմբերին  նշանադրվել էին  բավական զուսպ պայմաններում. արարողությանը  մասակցել էին միայն երկու կողմերի ծնողներն ու նորաստեղծ ընտանիքի քավորը: Հարսանիքը պետք է տեղի ունենար փետրվարին, սակայն անորոշ ժամանակով հետաձգվել է  Լևոն Տեր-Պետրոսյանի ՝ բուժման նպատակով ԱՄՆ այցելելու պատճառով:

Սակայն, ըստ ասեկոսեների, Հայաստանի առաջին նախագահը, որ բավականին կապված է  թոռների հետ ու նաև մեծ հարգանք ունի ու հոր նման է վերաբերում հարսին, դժվար կացության մեջ է:

Տեր-Պետրոսյանը որդուն  հասկացրել է, որ  լավ կլինի հետ կանգնեն հարսանիքի մտքից, սակայն Դավիթն ու հատկապես Աննան ցանկանում են իրենց միասնությունը ազդարարեն բոլորին՝ հանդիսությամբ ու եկեղեցով: 

Հիշեցնենք, որ 2008 թվականի նախագահական ընտրապայքարից առաջ Լևոն Տեր-Պետրոսյանը, որդուն ուղարկել էր Միացյալ Նահանգներ,  իսկ թոռներին իր հետ բերում էր հանրահավաքների:

Հավելենք, որ նույն հանրահավաքների մասին էր արտահայտվել    Աննա Ավանեսյանի հոգեբան հայրը` Հրանտ Ավանեսյանը, երբ  2008 թվականի  մարտի 1-ից հետո իր հարցազրույցներում փորձում էր ապացուցել, որ Լևոն Տեր-Պետրոսյանի գործողություններում կոդային բանալի կա  և նա  Ազատության հրապարակում հավաքված ժողովրդին հիպնոզի էր ենթարկում՝ հայրենիք, ընտանիք և նման այլ բառերով:

Ասում են՝ Լևոն Տեր-Պետրոսյանը, սկզբում տեղը չի բերել իր նոր խնամուն, սակայն  երբ գլխի է ընկել՝ մի լավ ծիծաղել է: 

Հեղինակ՝

Մարգո Բաղինյան