Հյուսիսային Կորեան ջրածնային ռումբի հաջող փորձարկում է արել: Այս մասին իշխանությունները հայտնել են երկրի պետական կենտրոնական հեռուստատեսության եթերով:
Ինչպես հայտնում է Gazeta.ru-ն, Հյուսիսային Կորեայի ղեկավարությունն ընդգծել է, որ փորձարկումը հաստատում է գիտության զարգացման բարձրագույն մակարդակը երկրում: Պայթեցված ռումբի հզորությունը դեռևս ճշտված չէ, սակայն առավոտյան Հյուսիսային Կորեայում 4,2-ից 5,1 մագնիտուդ հզորությամբ երկրաշարժ է գրանցվել:
Այս տեղեկության անմիջապես արձագանքել է ՄԱԿ-ի Անվտանգության Խորհուրդը, որը հունվարի 6-ին պատրաստվում է տվյալ հարցով արտահերթ նիստ հրավիրել:
Այս տեղեկությունը հաստատել են նաև ՄԱԿ-ի դիվանագետները` հավելելով, որ նիստն անցկացվելու է փակ դռների հետևում`Նյու Յորքի ժամով առավոտյան 11:00-ին:
Արտահերթ նիստի անցկացման նախաձեռնությունը պատկանում է Միացյալ Նահանգներին ու Ճապոնիային:
