Ֆրանսիայի ոստիկանությունը ֆեյսբուքյան իր պաշտոնական էջում հրապարակել է Փարիզի ահաբեկչությունների մասնակցության մեջ մեղադրվողներից մեկի լուսանկարը:
Նրա անունն Աբդեսլամ Սալահ է, ծնվել է Բրյուսելում 1989 թվականի սեպտեմբերի 5-ին, հասակը 1.75 մետր է, աչքերը՝ շագանակագույն:
«Ոստիկանությունը որոնում է 2015 թվականի նոյեմբերի 13-ի ահաբեկչություններին մասնակցության մեջ կասկածվողին»,- ասված է հայտարարությունում:
Հիշեցնենք, որ նոյեմբերի 13-ին Փարիզում տեղի ունեցած ահաբեկչությունների պատասխանատվությունը ստանձնել է «Իսլամական պետությունը»: «Սա վենդետա է Սիրիայի համար. Սա Փարիզի սեպտեմբերի 11 է»,- նշվում է հայտարարություն մեջ:
