Երեկ արտակարգ դեպք է տեղի ունեցել «Հարսնաքար» ռեստորանային համալիրի Սևանի մասնաճյուղում:
Հարսանիքի ժամանակ ներկաները հանկարծ զգացել են հարսի բացակայությունը: Պարզվում է՝ հարսը ստանալով հարսանեկան նվերները՝ ոսկեղենն ու գումարը, դիմել է փախուստի:
Asekose.am-ի հետ զրույցում նշված հաստատության տնօրենն ասաց, որ ինքը չգիտի արդյո՞ք լուրը համապատասխանում է իրականությանը: Վերջինս նաև չկարողացավ հստակ ասել՝ նախորդ օրը տվյալ հաստատությունում հարսանեկան արարողություն եղել է, թե ոչ:
«Ես ոչինչ չգիտեմ, ոչ մի բանից տեղյակ չեմ: Ուրիշ տեղ զանգեք»,-Asekose.am-ին ասաց «Հարսնաքար» ռեստորանային համալիրի Սևանի մասնաճյուղի տնօրեն Հայկ Շահնազարյանը:
Հեղինակ՝ Աննա Հարությունյան
