Արդեն տեղեկացրել էինք, որ Կենտրոն և Նորք-Մարաշ վարչական շրջանների ընդհանուր իրավասության դատարանում, դատավոր Արշակ Վարդանյանի նախագահությամբ, քննարկվում էր նախկին պատգամավոր Հակոբ Հակոբյանի խափանման միջոցի ընտրության հարցը:«Ճոյտ» մականվամբ գործարարը դատարան էր բերվել ձեռնաշղթաներով: Նրա շահերը դատարանում ներկայացնում էին նրա երկու պաշտպանները` Աշոտ Ղազարյանը և Կարեն Սարդարյանը:
Ավարտվել է ավելի քան 4 ժամ տևած դռնփակ դատական նիստը: Դատարանը բավարարել է քննչական մարմնի միջնորդությունը` Հակոբ Հակոբյանը կալանավորվել և տեղափոխվել է բանտ: Կարեն Սարդարյանը հայտնեց, որ Հակոբ Հակոբյանը մեղադրանքը չի ընդունում և իրեն մեղավոր չի ճանաչում:
Հիշեցնենք, որ ձերբակալությունից ժամեր առաջ նա եղել է Asekose.am-ի Բացարձակ Արժեք հաղորդման հյուրը:
