Ճանապարհորդությունը ժամանցի ամենահաճելի տարբերակներից է։ Սակայն ճանապարհորդելու համար պետք է առաջին հերթին վիզա ստանալ։ Եվրոպական շատ երկրներ կան, որոնք մեծ կասկածանքով են վերաբերվում զբոսաշրջիկներին և մերժում են վիզայի հայտերը, սակայն կան նաև այնպիսիները, որոնք մեծ հաճույքով երկարաժամկետ Շենգեն վիզա կտրամադրեն նրանց։
Ահա այն 5 երկրները, որոնք առավել առատաձեռն են Շենգեն վիզա տրամադրելու հարցում։
1. Իսպանիա
Իսպանիայի համար զբոսաշրջիկները մեծ կարևորություն ունեն, քանի որ տնտեսական ծանր վիճակում գտնվող այդ երկիրը մեծ գումարներ է վաստակում զբոսաշրջության հաշվին։ Եթե Ձեր անձնագրում գոնե մեկ կարճաժամկետ Շենգեն վիզա կա, ապա դիմելով Իսպանիայի դեսպանատուն՝ Դուք ամենայն հավանականությամբ կստանաք երկարաժամկետ վիզա։ Իսկ եթե վիզա ունեք հենց Իսպանիայի դեսպանատնից, ապա Ձեր երկարաժամկետ վիզան երաշխավորված է։
Եթե չունեք Շենգեն վիզա, ապա կարող եք վիզայի համար դիմելիս նշել, որ իսպանական որևէ դպրոցում ցանկանում եք իսպաներենի հեշտացված կուրսեր անցնել։ Այդ դասերը Ձեզանից ընդամենը 1 ժամ կխլեն, սակայն Շենգեն վիզա ստանալու հնարավորություն կտան։
2. Իտալիա
Իտալիան ևս շատ առատաձեռն է վիզա տրամադրելու հարցում։ Բացի այդ՝ այն տրամադրում է Շենգեն վիզա, եթե Դուք կանխավ ձեռք եք բերել որևէ իրադարձության տոմս։ Այսպես, Դուք կարող եք վիզա ստանալ, նույնիսկ եթե չեք պատրաստվում գնալ Իտալիա հենց այդ պահին։
3. Հունաստան
Հունաստանն այն երկրներից է, որ մշտապես խրախուսում է զբոսաշրջությունը։ Բավական է՝ միջին վարձատրությամբ աշխատանք և ընտանիք ունենաք հայրենիքում։
4. Սլովակիա
Սլովակիան Եվրոպական միության զարգացող երկրներից է, այդ իսկ պատճառով այնտեղ խրախուսում են զբսաշրջությունը։ Եթե Դուք արդեն ունեցել եք Շենգեն վիզա, ապա Ձեզ հավանաբար 2 տարով վիզա կտրամադրեն։ Չունենալու դեպքում էլ կարող եք դիմել կես տարի ժամկետով Շենգենի համար, ինչը նույնպես վատ տարբերակ չէ։
5. Ֆինլանդիա
Առաջին դիմումի արդյունքում Դուք կկարողանաք մի քանի ամիս ժամկետով Շենգեն ստանալ, իսկ երկրորդ հայտի համար Ֆինլանդիայի դեսպանատունը Ձեզ կտրամադրի մինչև 2 տարի ժամկետով վիզա։
Հիշեք, որ այս երկրները առավել հեշտ են վիզա տրամադրում, սակայն դա չի նշանակում, որ Ձեզ ոչ մի դեպքում չեն մերժի։ Դիմելուց առաջ մանրակրկիտ զննեք Ձեր փաստաթղթերը՝ ցանկացած տեսակի սխալմունք բացառելու համար։
Աղբյուր՝ ԲլոգNews
