«Քանի որ վարչապետը Գառնի չի այցելել, բնականաբար, նման զրույց էլ չէր կարող ունենալ»,- այսպես է արտահայտվել ՀՀ վարչապետի մամուլի քարտուղար Գոհար Պողոսյանը` անդրադառանալով կայքերից մեկում հայտնված այն տեղեկությանը, թե իբրև վարչապետ Հովիկ Աբրահամյանը, այցելելով Գառնի և լսելով բնակիչների բողոքի ձայնը, կոպտել է վերջիններիս ու հեռացել: Տվյալ նյութում մասնավորապես նշվում է.
«Վարչապետը եկել էր Գառնի, որպեսզի այստեղից խողովակաշարով ջուր տաներ Արտաշատ: Բնական է, հենց միանգամից հանդիպել է գառնեցիների արդարացի բողոքի ձայնին: Անգամ լուրջ միջադեպ տեղի ունեցավ ու մեր «մեծն» վարչապետն իր քաղաքացուն ասաց`«էշ-էշ մի դուրս տուր»: Որից հետո ստացավ արժանի պատասխան` «Էշ երկրում եմ ապրում` էշ-էշ եմ խոսում»:
