Աշխարհի ամենահին ըմպելիքը` թեյը, խորհրդանշում է իմաստություն, հարմարավետություն և ընտանեկան ջերմություն: Մեր օրերում այն ամենատարածված և սիրելի ըմպելիքներից է: «Թեյապաշտությամբ» առանձնանում է հատկապես Մեծ Բրիտանիան, իսկ օրինակ՝ ֆրանսիացիները նախընտրում են թեյը խմել խնձորով: Այսօր աշխարհի շատ երկրներում մեծ տարածում է գտել մատե թեյը, որը համարվում է արգենտինական մշակույթի անքակտելի մասը:
Այն եզակի, համեղ և սննդարար թեյի մի տեսակ է, պատրաստված է llex Paraguariensis ծառի տերևներից, որն աճում է միայն Հարավային Ամերիկայի մերձարևադարձային տարածաշրջանում:
Սա յուրահատուկ տոնուսավորող ըմպելիք է՝ կոֆեինի բարձր պարունակությամբ: Պատրաստվում է չորացված, մանրացված տերևներից, ունի ծխի բույր և մատուցվում է ինչպես սառը, այնպես էլ տաք վիճակում:
Մատեն լայնորեն տարածված է ինչպես Հարավային Ամերիկայի երկրներում, այնպես էլ Պորտուգալիայում, Լիբանանում և Սիրիայում: Մատեն ունի շատ առողջարար հատկություններ: Պարունակում է օրգանիզմի համար կենսակարևոր նշանակություն ունեցող A, C, E, P և B խմբի վիտամիններ, որոնք բարեբնպաստ ազդեցություն են ունենում սիրտ-անոթային ու նյարդային համակարգերի, աղեստամոքսային տրակտի նորմալ գործունեության վրա, ինչպես նաև բարձրացնում է դիմադրողականությունը: Մատեն հանդիսանում է հանքային նյութերի աղբյուր. Պարունակում է կալիում, որի քանակությունը օրգանիզմում կարևոր է առողջ սրտի համար:
Այն նաև պարունակում է մագնեզիում, որը մասնակցում է սպիտակուցների սինթեզին, ինչն էլ ֆիզիկապես ուժեղ և առողջ լինելու կարևորագույն նախապայման է:
Կարմիր գինու նման մատեն նույնպես լի է պոլիֆենոլներով, որոնք հանդես են գալիս որպես հակաօքսիդանտներ: Վերջիններս օգնում են կանխել քաղցկեղածին բջիջիների աճը, օգնում են նվազեցնել սիրտ-անոթային հիվանդությունները:
Այն կարգավորում է նաև արյան մեջ խոլեստերինի մակարդակը, մաքրում է արյունն ու ամբողջ օրգանիզմը հագեցնում թթվածնով:
Թեյի այս տեսակը էներգիայի հզոր աղբյուր է, այդ իսկ պատճառով շատ օգտակար է մտավոր և ֆիզիկական աշխատանքով զբաղվողների համար: Այն ունի մի շարք առավելություններ.
- պահպանում է աշխատունակությունն ու երիտասարդությունը
- կարգավորում է մարսողությունը
- նվազեցնում է հոգնածությունը
- ուժեղացնում է հիշողությունը
- խթանում է ախորժակը
Մատեն մատուցվում է հատուկ երկաթե բաժակով եւ ձողիկով, ունի պատրաստման հատուկ եղանակ: Թեյի այս տեսակը միլիոնավոր մարդկանց սիրելի ըմպելիքն է այսօր: Թեյի այս առողջարար ու յուրահատուկ տեսակը այժմ արդեն կարող եք վայելել նաև Արամի 42/1 հասցեում գտնվող «Նավավար» ձկնալի ըմպելարանում, ինչպես նաև «Ժան Պոլ» էքզիստենցիալ սրճարանում, որոնք մեծ ընդունելության են արժանացել ինչպես երիտասարդների, այնպես էլ ավագ սերնդի ներկայացուցիչների կողմից:
Հեղինակ՝ Լիլիթ Նավասարդյան
Լուսանկարներում՝ Հռոմի պապը, Մարադոնան, Մեսսին, Նեյմարը, Չե Գեվարան:
