Shamshyan.com-ը գրում է.
Այսօր՝ օգոստոսի 19-ին, Հայաստանի քննչական կոմիտեի Արարատի մարզային քննչական վարչության ավագ քննիչ Սասուն Զոհրաբյանի որոշմամբ ձերբակալվել է Իրանի Իսլամական Հանրապետության քաղաքացի, 58-ամյա Իսմայիլ Նաջաֆի Խալիֆխերալդին: Ինչպես հայտնում է ֆոտոլրագրող Գագիկ Շամշյանը, վերջինս կասկածվում է այս տարվա օգոստոսի 13-ին Արարատի մարզի Երասխի «կալցևոյի» մոտ խոշոր ու ողբերգական ավտովթար կատարելու մեջ, որի ժամանակ 1 հոգի մահացել էր, 9 հոգի մարմնական վնասվածքներով տեղափոխվել էին հիվանդանոցներ, մի քանի ավտոմեքենաներ առաջացած հրդեհի հետևանքով վերածվել էին մոխրակույտի, իսկ մի քանի մեքենաներ էլ՝ մետաղե ջարդոնի: Ֆոտոլրագրողի տեղեկություններով՝ վարորդը այս պահին հիվանդանոցից տեղափոխվել է և գտնվում է ոստիկանության Արարատի բաժնի ձերբակալվածների պահման վայրում:
Նյութը` սկզբնաղբյուր կայքում
