Փաստաբան Երվանդ Վարոսյանը ֆեյսբուքյան իր էջում գրում է.

«Փաստաբան Գարիկ Գալիկյանի գործով չարտահայտվել չեմ կարող, քանի որ ինքս էլ եմ《մեղավոր》փաստաբանների պալատը իրականության զգացումը կորցրեց հենց իմ կարգապահականներով...

Երևի կռահում եք իմ վերաբերմունքը այդ կիսաբաց կամ կիսափակ լվացքատան հանդեպ, թող ներեն բոլոր նրանք, ով նայում է հաճույքով (գուցե ես եմ անճաշակ, չեմ վիճում)... 
ԲԱՅՑ... Այ փաստաբանների պալա՛տ, ախր քո ինչ գործն է, թե Գալիկյանը փաստաբանական գործունեությունից զատ որտեղ ինչ է անում, ինչ է ասում։ Եթե իրավախախտում է կատարել որպես քաղաքացի դրա համար ենթակա է համապատասխան պատասխանատվության, եթե վիրավորել է որևէ մեկին` կա քաղաքացիական օրենսգիրք ու համապատասխան ընթացակարգ, եթե եթերից անհարիր բան է հնչել` կա ՀՌԱՀ...
Ո՞ւր եք խցկվում, հասկացանք մի անգամ ինձ պատժելու համար մտաք ֆեյսբուքյան պատիս գրառումների մեջ, ախր մի սխալի հետևանքով դուք հասկանում ե՞ք` ինչ արկղ եք բացում...
Վարքագծի կանոնագրքի 2.2.3 անորոշ, բարի ցանկություն ու կենաց հիշեցնող կետը կիրառելով ո՞ւր եք հասնելու, վերադարձեք փաստաբանական գործունեության ոլորտի կարգավորմանը, այնքան բան ունեք կարգավորելու, որ չեք պատկերացնում անգամ...
Վարքագծի կանոնագրքի պարտադիր դասընթացներին ինքներդ ներկայացնում եք, որ վարքագծի կարգավորման ոլորտները 4 են`
փաստաբան֊վստահորդ,
փաստաբան֊փաստաբան,
փաստաբան֊պետական մարմիններ,
փաստաբան֊պալատ հարաբերությունները...
Բա ո՞ւր է այս շարքում կիսաբաց լվացքատունը կամ Վարոսյանի ֆեյսբուկը, վերջ տվեք համափաստաբանական դաստիարակի ձեր չստացված կերպարին...