Ադրբեջանական մամուլում մինչ օրս լուսանկարներ էին տարածվել  Բաքու փախած ու թշնամի երկրից ապաստան խնդրած «Ներազգային ազատագրական շարժում» նախաձեռնության ղեկավար Վահան Մարտիրոսյանի խայտառակ մամլո ասուլիսից:

AZ TV-ն հրապարակել է նրա մամլո ասուլիսը՝ տեսագրությամբ: Նշենք, որ Վահան Մարտիրոսյանի նկատմամբ հարուցվել է քրեական գործ՝ ՀՀ քրեական օրենսգրքի 177-րդ հոդվածի 2-րդ մասի 2-րդ կետի հատկանիշներով (խոշոր չափերով գողություն): Ինչպես տեղեկացրին ՀՀ քննչական կոմիտեից, գործի շրջանակներում որոշում է կայացվել Վահան Մարտիրոսյանին որպես մեղադրյալ ներգրավելու մասին:

Սեպտեմբերի 9-ից Վահան Մարտիրոսյանի նկատմամբ հայտարարվել է հետախուզում: Պարզվել է նաև, որ Վ.Մարտիրոսյանը 2005 թվականի մարտի 28-ից հաշվառված է ՀՀ ԱՆ «Ավան» հոգեկան առողջության կենտրոն ՓԲԸ-ում՝ «Անձի հիստերիկ խանգարում» ախտորոշմամբ («Ավան» հոգեկան առողջության կենտրոն ՓԲԸ, 01-89-5107, 20.08.2015թ.)։