Նախօրեին՝ Քաշաթաղի Երցվանքի համայնքի միջնակարգ դպրոցում կայացել է հանդիսավոր միջոցառում՝ կրթօջախի 11-12-րդ միացյալ դասարանները անվանի հայ գուսան, երգահան ՀՀ մշակույթի վաստակավոր գործիչ Գուսան Հայկազունի՝ Գագիկ Նազարյանի անվամբ կոչելու առթիվ:Քաշաթաղի շրջանի «Մերան» պաշտոնաթերթի խմբագիր Զոհրաբ Ըռքոյանի փոխանցմամբ՝ դասարանի անվանակոչումն իրականացվել է դպրոցի մանկխորհի առաջարկով և շրջվարչակազմի որոշմամբ։ Միջոցառմանը ներկա էր նաև գուսանը՝ զավակների և իր ստեղծած «Հայկազունք» երաժշտական համույթի երգիչների հետ: Երիցվանքի դպրոցի աշակերտները հանդես եկել Գուսան Հայկազունի հեղինակած հայրենասիրական երգերի կատարմամբ, ինչպես նաև ներկայացրել են դրվագներ՝ Արցախյան ազատամարտի մասնակից գուսանի կենսագրությունից:
«Նախնիների արյան կանչով Գուսան Հայկազունը մասնակցել է Արցախի ազատագրական մարտերին և հենց մարտական դիրքերում էլ ծնվեցին նրա ռազմահայրենասիրական երգերը, որոնք նվիրական են ու սիրված՝ ժողովրդի կողմից»,- իր խոսքում նշել է դպրոցի տնօրեն Վարդիկ Սաֆյանը: Շրջվարչակազմի աշխատակազմի ղեկավար Դավիթ Դավթյանը բարձր է գնահատել Հայկազունի երգարվեստը՝ համոզմունք հայտնելով, որ նրա երգերը հավերժ կմնան հայ ժողովրդի մշակույթի պատմության մեջ: «Մեծ հպարտություն եմ զգում, որ իմ անունով դասարանի անվանակոչման պատվի եմ արժանացել՝ ազատագրված ու շենացող այս հողում, ինչի համար շնորհակալություն եմ հայտնում բոլորին», -ասել է Գուսան Հայկազունը՝ կատարելով իր նոր երգերից: Նա նշել է, որ 1980-ականներին սկզբնավորված համաժողովրդական ընդվզումը փոխեց իր կյանքը, ինչի շնորհիվ դարձավ ազատագրական պայքարի երգիչ, գուսան-երգահան: «Լավ երգը նման է ծանր հրետանու»,- համոզմունք է հայտնել Հայկազունը:
Նախօրեին՝ Քաշաթաղի Երցվանքի համայնքի միջնակարգ դպրոցում կայացել է հանդիսավոր միջոցառում՝ կրթօջախի 11-12-րդ միացյալ դասարանները անվանի հայ գուսան, երգահան ՀՀ մշակույթի վաստակավոր գործիչ Գուսան Հայկազունի՝ Գագիկ Նազարյանի անվամբ կոչելու առթիվ:
Քաշաթաղի շրջանի «Մերան» պաշտոնաթերթի խմբագիր Զոհրաբ Ըռքոյանի փոխանցմամբ՝ դասարանի անվանակոչումն իրականացվել է դպրոցի մանկխորհի առաջարկով և շրջվարչակազմի որոշմամբ։ Միջոցառմանը ներկա էր նաև գուսանը՝ զավակների և իր ստեղծած «Հայկազունք» երաժշտական համույթի երգիչների հետ: Երիցվանքի դպրոցի աշակերտները հանդես եկել Գուսան Հայկազունի հեղինակած հայրենասիրական երգերի կատարմամբ, ինչպես նաև ներկայացրել են դրվագներ՝ Արցախյան ազատամարտի մասնակից գուսանի կենսագրությունից:
«Նախնիների արյան կանչով Գուսան Հայկազունը մասնակցել է Արցախի ազատագրական մարտերին և հենց մարտական դիրքերում էլ ծնվեցին նրա ռազմահայրենասիրական երգերը, որոնք նվիրական են ու սիրված՝ ժողովրդի կողմից»,- իր խոսքում նշել է դպրոցի տնօրեն Վարդիկ Սաֆյանը:
Շրջվարչակազմի աշխատակազմի ղեկավար Դավիթ Դավթյանը բարձր է գնահատել Հայկազունի երգարվեստը՝ համոզմունք հայտնելով, որ նրա երգերը հավերժ կմնան հայ ժողովրդի մշակույթի պատմության մեջ:
«Մեծ հպարտություն եմ զգում, որ իմ անունով դասարանի անվանակոչման պատվի եմ արժանացել՝ ազատագրված ու շենացող այս հողում, ինչի համար շնորհակալություն եմ հայտնում բոլորին», -ասել է Գուսան Հայկազունը՝ կատարելով իր նոր երգերից: Նա նշել է, որ 1980-ականներին սկզբնավորված համաժողովրդական ընդվզումը փոխեց իր կյանքը, ինչի շնորհիվ դարձավ ազատագրական պայքարի երգիչ, գուսան-երգահան: «Լավ երգը նման է ծանր հրետանու»,- համոզմունք է հայտնել Հայկազունը:
Artsakhpress.am
