Ամերիկյան մամուլը ներկայացրել է երիտասարդ մեքսիկուհու պատմությունը, ում պնդմամբ` ինքը թրաֆիքինգի զոհ է դարձել: Ըստ նրա` իրեն 43 200 անգամ բռնաբարել են:
23-ամյա Կառլա Յասինտոն պատմել է, որ հայտնվել էր թրաֆիքինգով զբաղվող մարդկանց ձեռքերում, երբ ընդամենը 13 տարեկան էր: Կառլայի խոսքով` այդ շրջանում սիրահարվել և փախել էր հայրական տնից, սակայն նրա ընտրյալն իրեն հարկադրաբար ստիպել էր մարմնավաճառությամբ զբաղվել:
15 տարեկանում Յասինտոն երեխա էր ունեցել իր կավատից, ով իր հերթին օգտագործում էր երեխային մոր դեմ` որպես գործիք: CNN-ի հետ զրույցում Յասինտոն նաև պատմել է, որ ամեն օր առավոտ` 10-ից մինչև ուշ գիշեր, ստիպված էր սպասարկել 30 տղամարդու:
Յասինտոյին հաջողվել է ազատվել այս ամենից ոստիկանների միջամտությամբ` 2008 թվ-ին: Ներկայումս նա զբաղվում է մարդկանց վաճառքի և ստրկացման խնդիրներով:
