Քաղաքական մեկնաբան Արմեն Դուլյանը ֆեյսբուքյան իր էջում գրում է.
«Աշունը էլ երբեք չի կրկնվի...
Մոնումենտի դիմաց՝ Ազատության պողոտայի մյուս կողմում անտառ կար, աշնանը երեխեքով գնում էինք դեղին տերեւների կույտերի մեջ թավալ էինք տալիս ու մեր աշունը դա էր...
Հետո եկան թանկարժեք կոստյումներով ու մեծ փորերով ձյաձյաները՝ պաշտոնյաներն ու մեծահարուստները, ասացին՝ «Թաղեմ ձեր աշունը» ու թաղեցին մեր աշունը իրենց առանձնատների տակ...
Բա, իհարկե, էլ երբեք չի կրկնվի...»:
Հիշեցնենք, որ վարչապետ Կարեն Կարապետյանի առանձնատունը նույնպես գտնվում է Մոնումենտում՝ ճիշտ եւ ճիշտ նախկին վարչապետ Հովիկ Աբրահամյանի առանձնատան կողքին։
