Վանաձորցի դպրոցական Տիգրան Գևորգյանն արդեն տանն է:
Երեք ամիս շարունակ Տիգրանը պառկած էր Երևանի Էրեբունի բժշկական կենտրոնում և պայքարում էր մահվան դեմ: Նրա հետ միասին պայքարում էին նրա բոլոր հարազատները, բարեկամները, ընկերներն ու պարզապես սրտացավ մարդիկ...
Այս երեք ամիսներին ամեն վայրկյան նրա կողքին էր Տիգրանի մայրը, ով անձնանվեր պայքարեց որդու կյանքի համար, տխրելով և ուրախանալով որդու առողջական վիճակի վայրիվերումներով, և այսօր նա ամենաերջանիկ մարդն է. որդին տանն է:
Սակայն Տիգրանի բուժումը դեռ շարունակվում է, նրա տեսողությունը վերջնականապես չի վերականգնվել և նա չի կարողանում քայլել:
Այս մասին տեղեկացնում են Տիգրան Գևորգյանի առողջական խնդիրներին աջակցելու համար ստեղծված ֆեյսբուքյան նախաձեռնության անդամները:
