Wnews.am-ը գրում է.

Յուրաքանչյուր տարեվերջին բոլորս ամփոփում ենք տարվա մեր ձեռքբերումները, վերլուծում սխալներն ու երջանկության ճանապարհին տանող նոր սպասումներով դիմավորում գալիք տարին։ 2015-ը երջանիկ տարի էր շատերի համար։ Շատերը գտան իրենց երկրորդ կեսին, մտան կյանքի նոր փուլ ու կազմեցին նոր ընտանիք։ Wnews.am-ը ներկայացրել է 2015-ի տարվա փեսացուներին.

ՀՅԴ Բյուրոյի անդամ Կիրո Մանոյանը հոկտեմբերին ամուսնացավ: Նրա ընտրյալը՝ Կարինե Հովսեփյանը, սփյուռքահայ է։ Հարսանիքը տեղի  ունեցավ Էջմիածնի Սուրբ Գայանե եկեղեցում: Իսկ հարսանեկան խնջույքը «Արմենիա Մարիոթ» հյուրանոցում։

Այս տարվա հունիսին ամուսնացավ նաեւ ռեփեր Միշոն։Նրա կինը Միացյալ Նահանգներից   Սոնա Հովհաննիսյանն է։

Օրեր առաջ հայտնի դարձավ, որ այս տարի ամուսնացել է նաեւ պրոֆեսիոնալ բռնցքամարտիկ, WBO վարկածով աշխարհի չեմպիոն Արթուր Աբրահամը։

Նրա կնոջ անունը Մերի է, սովորում է Երևանի պետական համալսարանում:

Նոյեմբերին Գլենդելում ամուսնացավ երգիչ Միստր X-ը։

Նրա կինը հաղորդավարուհի, երգահան Սվետլանա Բոսնոյանն է։

Առավել մանրամասն՝ սկզբնաղբյուր կայքում