ՀՀ–ում ԱՄՆ դեսպանատունը չի հասկացել, որ անհրաժեշտ է ամրապնդել ռուս-ամերիկյան հարաբերությունները, այլ ոչ թե խաթարել ռուս-հայկականը. Զախարովան` Երևանում ռուսաֆոբ պաստառների մասին
ՌԴ արտաքին գործերի նախարարության պաշտոնական ներկայացուցիչը ճեպազրույցի ժամանակ հիշեցրել է, որ Հայաստանում ԱՄՆ դեսպանատանը աշխատում է մոտ 2 հազար մարդ։ Եվ, ըստ երևույթին, նրանցից մի քանիսը դեռ չեն սպառել USAID-ի միջոցով փոխանցված գումարները, ուստի նրանք այն ծախսում են նման նախագծերի վրա։ Զախարովան հակառուսական ակցիաներն անվանել է վճարված։
«Մենք Հայաստանի հետ ունենք լայն օրակարգ բոլոր ուղղություններով ոչ միայն քննարկման, այլև կոնկրետ կիրառական պրագմատիկ աշխատանքի համար։ Մենք նաև գիտենք, որ փոքրամասնություններից շատերին դա դուր չի գալիս։ Հետևաբար, մենք կենտրոնանում ենք կառուցողական, դրական օրակարգի վրա։ Եվ սա է ամբողջը»,–ասել է նա։
