|
Պատմաբան Արեգ Սավգուլյանը ֆեյսբուքյան իր էջում տեսանյութ է հրապարակել՝ կից գրելով. «Շատերը չեն հիշում, բայց սույն անձը զբաղեցրել է նաև Աշխատանքի և սոցիալական հարցերի նախարարի պաշտոնը։ Եվ NGO դաշտից քաղաքականություն մտնելուց հետո բացի շարիկ գլորելուց ոչինչ չի արել, ոչ թե չի ցանկացել, այլ ինտելեկտուալ առումով չի կարողացել։ Բայց ՔՊ-ում շախմատ խաղացողներ պետք չեն, ստրատեգիա, մտավոր վերլուծություն, որոշումների կայացման ընդունակություն և այլն։
Զառա՛, ավելի լավ է եղիր անկեղծ և ասա, որ դու և շատերդ խորհրդարանում եք հե՛նց շարիկ գլորելու առաքելությամբ, իսկ Գերագույն Գլխավորը երկիրն է գլորում դեպի անդունդ։ Թե չէ հիմնավորել, որ «ես ճիշտ եմ անում շարիկ եմ խաղում», իսկ էն մյուսը սխալ, որ շախմատ է խաղում առնվազն մանկամտություն է կամ ձախողված հումոր, որովհետև ինքը հումորը ևս ինտելեկտի նշան է, իսկ դուք ցինիզմի նշաձողից 1 սմ ո՛չ ձախ շարժվեցիք, ո՛չ աջ։ Մեկ էլ որտեղի՞ց գիտես, թե՞ շախմատ խաղալիս չի կարող լսել, ո՞ր գիտական հանդեսում ես դա կարդացել, ավելի շուտ ժամանցային ժուռնալում։
Հ.Գ. Ես ինքս չեմ ողջունում ԱԺ-ը նիստերին որևէ խաղ խաղալը լինի դա անգամ շաշկի»:
|
