Չինացի գիտնականները հետազոտել են մի քանի մրգերի ազդեցությունը մարդու օրգանիզմի վրա և պարզել՝ առավել օգտակար միրգը ծիրանն է: Այն նվազեցնում է չարորակ ուռուցքների առաջացման ռիսկերը և լավ ազդեցություն թողնում սրտանոթային համակարգի վրա:
Բետա-կարոտինը, որպես բնական հակաօքսիդանտ, արդյունավետ կանխում է ուռուցքների և սրտանոթային հիվանդությունների առաջացմանը: Բացի այդ, ծիրանն օգնում է պահպանել անոթների ճկունությունը և օրգանիզմից դուրս է բերում ջուրը, այսինքն՝ ունի միզամուղի հատկություն:
Ծիրանը հարուստ է ոչ միայն միներալներով, այլև С, А, В խմբի վիտամիններով, որոնք բարձրացնում են իմունիտետը և օրգանիզմին թույլ են տալիս հեշտ ու արագ հաղթահարել ինֆեկցիոն հիվանդությունները:
Օգտակար է նաև ծիրանի չիրը. այն հարուստ է կալիումով և երկաթով, չափազանց օգտակար է անեմիա ունեցողներին և ապագա մայրիկներին: Բժիշկները խորհուրդ են տալիս օգտագործել նաև ծիրանի կուտը, հատկապես նրանց, ովքեր սրտանոթային համակարգի հետ խնդիրներ ունեն:
