Այսօր՝ մայիսի 10-ին, Երևանում աշխատանքային անվտանգության կանոնները չպահպանելու հետևանքով հերթական ողբերգական դեպքն է տեղի ունեցել Երևանում: Ինչպես հայտնում է ֆոտոլրագրող Գագիկ Շամշյանը՝ ոստիկանները օպերատիվ տեղեկություններ են ստացել, որ Արղության 10 հասցեում՝ գովազդային նյութերի արտադրամասում գործող քարի մշակման հաստոցի մեջ քաղաքացի է մահացել: Պարզվել է, որ ստացված օպերատիվ տեղեկությունը հավաստի է: Քար կոտրելու «ստանոկ»-ի մեջ ոստիկաններն ու պարեկները հայտնաբերել են տղամարդու մարմին: Դեռևս հայտնի չէ մահացածի ինքնությունը և թե ինչ հանգամանքներում է տղամարդը հայտնվել նշված գործիքի մեջ, որի մեջ եղել են մեծ քանակի քարեր։