Ամբողջ օրը համակարգչի առաջ նստած, մենք վնասում ենք ոչ միայն աչքերը: Մեջքը գտնվում է կոր վիճակում, պարանոցը ՛առաջ ընկած՛: Անընդհատ նստակյաց վիճակը խաթարում է արյան շրջանառությունը, այն դանդաղում է ու թուլացնում մեր ակտիվությունը, առաջացնում է հոգնածության զգացողություն և թմրություն: Այս ամենից խուսափելու համար հարկավոր է ամեն առավոտ 20 րոպե տրամադրել տարրական մարմնամարզությանը, սակայն ժամանակակից կյանքի ռիթմը նույնիսկ սրա համար տեղ ու ժամանակ չի թողնում:

Ամեն դեպքում աշխատանքից հետո կարելի է մի փոքր ժամանակ տրամադրել  քայլելուն: Ամեն օր աշխատանքից հետո, եթե ավտոմեքենայով եք, ապա մեքենան կայանելուց հետո  15 րոպե տրամադրեք քայլելուն, եթե երթուղայինով եք, ապա մեկ կանգառ շուտ իջեք և զբոսնելով հասեք տուն: Իսկ լավագույն տարբերակը քայլելն է օրը գոնե 30 րոպե:

Այն նպաստում է արյան  շրջանառությանը, ինչն էլ իր հերթին նյութափոխանակությանը:  Կան նաև ավելի արդյունավետ, բայց քիչ ժամանակատար վարժություններ, որոնք կարող են նպաստել կազմվածքին: Քայլելիս ետ քաշեք ձեր փորի մկանները և պահեք այդ վիճակում այնքան մինչև չզգաք մկանների լարում ու հոգնածություն: Կարող եք մյուս տարբերակը փորձել, փորի մկանները արագ ձգել ու  կրկնակի արագ թողնել ու այդպես այնքան մինչև կզգաք մկանների ձգվածություն:

Այս վարժությունները կամրացնեն փորի մկանները: Հաջորդ վարժությունը, որը կարող եք առանց ժամանակի կորստի կատարել կնպաստի մեջքի ու պարանոցի մկաններին:  Սրանք հատկապես անհրաժեշտ են նստակյաց կամ համակարգչով շատ աշխատող տղամարդկանց և կանանց: Քայլելիս մեջքը այնպես ուղղեք կարծես ցանկանում եք, որպեսզի  մեջքի թիակները կպնեն իրար, իսկ ծոծրակը ետ տարեք ու ձգվեք վերև, անընդհատ ձգելով ձեր համապատասխան մկանները ու թուլացնելով, կնպաստեք ամբողջ ողնաշարի ուղղմանը:

aroxj.am