Սուրբ Աթոռում ՀՀ նախկին դեսպան Միքայել Մինասյանը Telegram-ի իր էջում գրել է․
«Հին արևելյան ասացվածքը՝ «Ոչ մի բարի գործ անպատիժ չի մնում» բացատրություն ունի՝ չար ուժերը պայքարում են բարի գործերի դեմ՝ դրանք կանխելու կամ քարկոծելու և արժեզրկելու համար։ Ինչո՞ւ։ Որովհետև նրանք չար ուժեր են։
Այսօր հայության հոգևոր, պատմական և շատ դեպքերում միակ կենտրոնի` Մայր Աթոռ Սուրբ Էջմիածնի տոնն է։
Այսօր բանտում է Մայր Աթոռ Սուրբ Էջմիածնի պատմության մեծագույն բարերարներից մեկը։
Աղոթքս Կարապետյանների ընտանիքի հետ է, որպեսզի նրանք արժանապատվորեն անցնեն այս փորձության միջով, իսկ Սամվելը, կարծում եմ, իմ աղոթքների կարիքը չունի, քանի որ իր գործերի համար պահապան հրեշտակները կպաշտպանեն նրան և հաղթանակ կպարգևեն։
Մենք բոլորս անցնում ենք բյուրեղացման և մաքրման դժվարին ճանապարհ՝ անհատապես և հավաքականորեն: Մենք անցնում ենք մեծ կորուստների և բազմաթիվ զոհերի միջով։ Բոլորը հասկանում են, թե ինչ է տեղի ունեցել։ Եվ ամենակարևորը՝ ինչ է կատարվում հիմա։ Իսկ նրանք, ովքեր չեն հասկանում, նրանք դեռ պետք է անցնեն իրենց սեփական քավարանով:
Իհարկե, դա հեշտ չէ։ Բայց մյուս կողմից, միգուցե մենք բոլորս կարիք ունենք այս մաքրագործման: Թերեւս սա է մեր փրկության ճանապարհը։ Երևի եկեղեցուն էլ դա պետք է։ Ի վերջո, այն այժմ մաքրվում և ամրապնդվում է՝ ընդդիմանալով Սատանային:
Շնորհավորում ենք Մայր Աթոռ Սուրբ Էջմիածնի տոնի առթիվ։ Թող Մայր Աթոռը մնա անսասան, իսկ Սամվել Կարապետյանը, բարերարից վերածվելով մեր հավատքի ու եկեղեցու պաշտպանի, շարունակի իր առաքելությունը և չարին հաղթելով՝ մեզ առաջնորդի դեպի լույս»։
Դիտեք նաև՝
