ԼՀԿ ղեկավար Էդմոն Մարուքյանի ֆեյսբուքյան գրառումը․ «Սկզբում Սամվել Կարապետյանին սպառնում են, թե Հայոց սրբությունները՝ Հայ Առաքելական Սուրբ Եկեղեցին, մի՛ պաշտպանիր, այլապես ՀԷՑ-ը կխլենք, նա էլ ի պատասխան հայտարարում է. «թքած ունեմ իրենց վրա էլ, իրենց ՀԷՑ-ի վրա էլ»։ Ի նկատի ունենալով, որ չեն կարող ՀԷՑ-ով վախեցնել և ստիպել, որպեսզի Հայոց Առաքելական Սուրբ Եկեղեցուն, մեր սրբություններին ու ինքնությունը ուրանա։
Ու այդ խոսքը վարչապետը և իշխանության այլ ներկայացուցիչներ մանիպուլացնում են, թե նա թքած ունի ռազմավարական նշանակության հիմնարկի վրա, ուստի այն պետք է ազգայնացնենք, պետականացնենք. այլ կերպ ասած՝ մասնավոր սեփականության հիմնարար իրավունքը ոտնահարենք ու մարդու սեփականությունը ձեռքից խլենք։
Նշեմ, որ Նիկոլ Փաշինյանը անգամ մի նորմալ իրավաբան չունի, որը նրան կբացատրեր, որ որևէ մեկի սեփականությունը խլելու անհագուրդ ցանկությունը բկներին է մնալու։
Եվ հետո, ասենք թե խլեցին՝ պարզ է, չէ՞, որ վերադարձնելու ենք այդ սեփականությունը իր օրինական տիրոջը, իսկ խլողները պատասխանատվության են ենթարկվելու»։

***

Դիտեք նաև՝ 

***

ԱԺ նախկին պատգամավոր Վահե Հակոբյանի ֆեյսբուքյան գրառումը․ «Հայաստանի իշխանությունները հետևողականորեն կազմաքանդում են Հայաստանի Հանրապետությունը: Միակ նպատակը իշխանությունը ժամ ավել պահելու մոլուցքն է: Ցանկացած անձ կամ ինստիտուտ, ով խոչընդոտում է կամ կարող է խոչընդոտել այս հրեշավոր ծրագրին, ենթարկվում է հնարավոր որևէ «կարմիր գիծ» չճանաչող հարձակման:
Այս նույն ձեռագրի դրսևորումն է «խռխռացող» արշավը Սամվել Կարապետյանի դեմ:
Իմ աջակցությունն եմ հայտնում Սամվել Կարապետյանին, ով իր նվիրումը Հայաստանին ու հայ ժողովրդին ապացուցել ու ապացուցում է տասնամյակների իր գործունեությամբ: Վստահ եմ, որ մեր հանրությունը շատ հստակ տեսնում և պատկերացնում է` ում՝ ով կամ ինչ լինելը»։