«Միսս Տիեզերք-2015» գեղեցկության մրցույթում 2-րդ հորիզոնականը զբաղեցրած Կոլումբիայի ներկայացուցիչ Արիադնա Գուտյերեսն առաջարկ է ստացել 1 մլն դոլարի դիմաց պոռնոֆիլմում նկարահանվելու մասին։ Այս մասին հայտնում է Lenta.ru-ն:
Կինոստուդիայի սեփականատեր Սթիվ Հիրշը բաց նամակով դիմել է գեղեցկուհուն` առաջարկելով նրան իր համար զուգընկերներ ընտրել:
«Մի՛ տխրիր «Միսս Կոլումբիա», ես քեզ համար ավելի լավ աշխատանք ունեմ»,- գրված է եղել նամակում: Սակայն Գուտյերեսը դեռևս որևէ կերպ չի մեկնաբանել այս առաջարկը։
Հիշեցնենք, որ հաղորդավարը նախ հայտնել է, որ «Միսս Տիեզերք» մրցույթի հաղթող է դարձել Կոլումբիայի ներկայացուցիչ Արիադնա Գուտերեսը, բայց րոպեներ անց հայտնել է, որ սխալմունք է տեղի ունեցել: Գեղեցկության թագն Արևալոյի գլխից վերցվել է ու շնորհվել Ֆիլիպինների 26-ամյա ներկայացուցիչ Պիա Ալոնսո Վուրտցբախին:
Նշենք նաև, որ De la Espriella Lawyers Enterprise փաստաբանական ընկերությունը հայտնել է, որ դատական հայց է պատրաստում «Միսս Տիեզերք- 2015» մրցույթի ժամանակ տեղի ունեցած սկանդալի պատճառով:
