Միջադեպ է տեղի ունեցել ԱԺ-ի դիմաց` Ալեն Սիմոնյանի և քաղքացիների միջև. կան բերման ենթարկվածներ
Դիտեք նաև՝
Ալեն Սիմոնյանը կրկին սկանդալի կենտրոնում. քաղաքացու հետ վիճաբանություն և փոխադարձ հայհոյանքներ
Կադրերում երևում է, որ ԱԺ–ից դուրս եկած Ալեն Սիմոնյանին մոտենում է մի քաղաքացի և ասում` զրուցենք, ինչին ԱԺ նախագահը պատասխանում է` «քո հետ զրուցելու չկա, սրան տարեք», ինչից հետ նրանց մեջ հայհոյախառն վեճ է ծավալվում։
Փաստաբան Տաթևիկ Սողոյանն ասել է, որ իր նախնական տեղեկությամբ` բերման են ենթարկել Միքայել Ադամյանին, ով կարծեմ, պատերազմի մասնակից է։ «Իմ տվյալներով` սկզբում Ալեն Սիմոնյանն է հայհոյել, նրանք էլ պատասխանել են։ Միքայելը Համահայկական ճակատ նախաձեռնության անդամ է, նրանք պահանջում են 44–օրյա պատերազմի քննիչ հանձնաժողովի զեկույցի հրապարակում»,–ասաց նա։
ՆԳՆ ոստիկանությունից դեռ չեն հաստատել, որ ձերբակալված անձ կա։
Քիչ առաջ անհետ կորածի հարազատ Արսեն Ղուկասյանը «Ազատության»-ը փոխանցել է, որ ԱԺ նախագահ Ալեն Սիմոնյանի մասնակցությամբ միջադեպից հետո բերման են ենթրակվել ակտիվիստ Միքայել Մարգարյանը և Արսեն Վարդանյանը, ով «Համահայկական ճակատ» կուսկացության անդամ է:
Միջադեպը տեղի է ունեցել Դեմիճյան փողոցում՝ խորհրդարանի հարևանությամբ:
Անհետ կորած զինծառայողների հարազատները արդեն մի քանի օր է՝ հավավքում են խորհրդարանի շենքի առջև ՝ պահանջելով հրապարակել 44-օրյա պատերազմի զեկույցը:
