Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
|
Քաղաքագետ Սուրեն Սուրենյանցի թելեգրամյան գրառումը. «Մարդիկ զանգվածային հեռանում են Թեհրանից: Սա մարդկանց, սովորական մարդկանց բնական ռեակցիա է պատերազմին: Այս, տեսանյութն, իհարկե, ինձ ու շատերիս մոտ տխուր ասոցիացիաներ առաջացրեց: Բայց ես վստահ եմ՝ մարդիկ էլի վերադառնալու են Թեհրան՝ իրենց սիրելի քաղաքը: Այս ծանր պահին զորակցության խոսքեր եմ ասում՝ ուղղված Իրանին և նրա ժողովրդին: Իսրայելի ժողովրդին էլ մաղթում եմ հնարավորինս շուտ ազատվել Նեթանյահուի ցեղասպան կառավարությունից: Դա է նրանց խաղաղության բանաձևը»: *** |
|
Իրանն ԱՄՆ-ի և Իսրայելի հետ իր հարաբերություններում միջնորդ հանդիսացող Կատարին և Օմանին հայտնել է, որ «բաց չէ հրադադարի շուրջ բանակցությունների համար, քանի դեռ Իսրայելը հարձակման տակ է», հաղորդում է Reuters-ը՝ հղում կատարելով անանուն պաշտոնյայի։ Գործակալության տվյալներով՝ Իրանը լուրջ երկխոսություն կսկսի, երբ ավարտի Իսրայելի հարվածներին իր պատասխանը։ Գործակալության զրուցակիցը հստակեցրել է՝ «Իրանը չի բանակցելու, քանի դեռ հարձակման տակ է»։ |
***
|
Միացյալ Նահանգները պատասխանատվություն է կրում Իսրայելի կողմից Իրանի դեմ ագրեսիայի համար։ Այս մասին հայտարարել է Իսլամական Հանրապետության նախագահ Մասուդ Փեզեշքիանը։ «Ամերիկան, միջազգային իրավունքի բոլոր նորմերին հակառակ, թույլ է տալիս Իսրայելին ագրեսիա իրականացնել և հարձակվել մեր երկրի վրա»,- խորհրդարանում ունեցած իր ելույթում ասել է նախագահը։ «Միացյալ Նահանգները, անկասկած, անմիջական դեր է խաղում Իսրայելի ռազմական գործողություններում»,- նշել է Փեզեշքիանը՝ հավելելով, որ Իրանի տարածքի վրա շարունակվող հարձակումները Թել Ավիվի միակողմանի գործողությունները չեն, այլ Վաշինգթոնի հետ հաշվարկված համակարգման արդյունք։ Փեզեշքիանը հիշեցրել է, որ ԱՄՆ նախագահի հատուկ բանագնաց Սթիվ Ուիթքոֆն Իրանի արտգործնախարար Աբբաս Արաղչիին ասել էր, որ «Իսրայելը չի կարող ոչինչ անել՝ առանց Վաշինգթոնի թույլտվության»։ *** |
||
|
Հարձակումները կշարունակվեն այնքան ժամանակ, մինչև Իսրայելի «կեղծ ռեժիմը ոչնչանա»։ Այս մասին հայտարարություն է տարածել Իսլամական հեղափոխության պահապանների կորպուսի (ԻՀՊԿ) մամուլի ծառայությունը։ Բացի այդ, ԻՀՊԿ-ն հայտարարել է, որ կարողացել է ճնշել իսրայելական հակաօդային պաշտպանության համակարգերի կառավարումը՝ պատճառ դառնալով, որ իսրայելական ՀՕՊ համակարգերը վնասեն իրենք իրենց։ Ըստ մամուլի ծառայության՝ չնայած Միացյալ Նահանգների և Արևմուտքի աջակցությանը, Իրանը կարողացել է հաղթահարել «Երկաթե գմբեթ» հակահրթիռային պաշտպանության համակարգը և հարվածել Իսրայելին։ Ավելի վաղ Իրանը հրթիռային զանգվածային հարձակում է իրականացրել Իսրայելի վրա՝ մոտ 100 հրթիռներով հարվածելով Թել-Ավիվ և Հայֆա քաղաքաներին: ***
***
*** |
||
|
Քաղաքագետ Արա Պողոսյանի ֆեյսբուքյան գրառումը․ «Շատերին թվում է, թե Իրանի դեմ կատարվողը որևէ ազդեցություն չի կարող ունենալ Հայաստանի անվտանգային միջավայրի վրա։ |
