Բաքվում շարունակվում է Արցախի գերեվարված ղեկավարության շինծու դատավարությունը։
Այս անգամ ոմն «տուժած» Էլմիր Աբբասովը պնդում էր, թե վիրավորվել է 2016 թվականի ապրիլյան պատերազմի ժամանակ։ Միաժամանակ նա հայկական կողմին մեղադրել է արգելված զինամթերք՝ թունավոր և հրկիզող արկեր օգտագործելու մեջ։
Արցախի նախկին պաշտպանության նախարար Լևոն Մնացականյանը հայտարարել է, որ մասնակցել է ապրիլյան մարտերին՝ նշելով. «Ես մասնակցել եմ 2016 թվականին իրականացված գործողություններին և բանակի հրամանատար եմ եղել։ Անկեղծ ասած՝ սա առաջին անգամն է, որ լսում եմ նրա մասին, ինչ այստեղ ներկայացվում է»։
Հիշեցնենք, որ լրագրողներին գործնականում թույլ չեն տալիս մասնակցել հանդիպմանը, և հանգամանորեն զտված տեղեկությունները տրամադրվում է Ադրբեջանի պետական մարմինների միջոցով։ Պարբերաբար լրատվամիջոցներում տեղեկություններ են հայտնվում, որոնք վկայում են, որ Արցախի գերի վերցված առաջնորդներին դեռևս հաջողվում է պաշտպանել արդար դիրքորոշումը և չտրվել ադրբեջանական իշխանությունների խորամանկություններին։
Աղբյուրն՝ այստեղ
***
Հայտնի են դարձել Բաքվում հայ գերիների նկատմամբ այսօրվա «դատական» նիստի որոշ մանրամասներ
Նույնիսկ ադրբեջանական ԶԼՄ-ների սուղ տեղեկատվությունից պարզ է դառնում, որ գերիներն իրենց ճշմարտությունը պաշտպանում են «դատարանում»։ Այսօր խոսվել է նաև 2016 թվականի ապրիլյան էսկալացիայի դեպքերի մասին։
Մասնավորապես, մեղադրանքներ են հնչել հայկական կողմի հասցեին «արգելված զինամթերքի» օգտագործման վերաբերյալ։ Ներկաներից մեկն ասել է, որ օգտագործվել է գրեթե 2 հազար ասեղ, որոնցից յուրաքանչյուրը «կարող է թունավորում առաջացնել նույնիսկ պարզ հպումով»։
Գեներալ Լևոն Մնացականյանն ի պատասխան ասել է, որ 2016 թվականին զբաղեցրել է Արցախի բանակի հրամանատարի պաշտոնը և առաջին անգամ է լսում, որ «այն, ինչ ներկայացվել է, տեղի է ունեցել»: Նախկին արտգործնախարար Դավիթ Բաբայանի՝ մյուս «տուժողին» տված տարրական հարցին, թե քանի մարդ է բնակվել գյուղում (որն իբր գնդակոծվել է), վերջինս դժվարացավ պատասխանել ՝ ասելով, որ գյուղի բնակչության ճշգրիտ թիվը չգիտի: Նրան հարց ուղղեց նաև Մնացականյանը այդ շրջանում կրակային դիրքերի թվի վերաբերյալ, ինչին ի պատասխան լսեց. «Ես չեմ հաշվել կրակային դիրքերը կամ մեր դիրքերը, դրա համար էլ չգիտեմ»:
Ընդմիջումից հետո ելույթ ունեցավ ԱԺ նախկին նախագահ Դավիթ Իշխանյանը: Նա հայտնեց, որ կցանկանար ծանոթանալ մայիսի 26-ին Դավիթ Բաբայանի մասնակցությամբ տեղի ունեցած դատական նիստի արձանագրությանը: Թե ինչու է նա տեղեկատվություն խնդրել, չի նշվում։
